शुक्रबार, कार्तिक १, २०७६ Friday 18th of October 2019

अमिताभ र चिरञ्जीवीको ‘सई रा नरसिंह रेड्डी’ले तीन दिनमै कमायो १०० करोड

  • पाथिभरा न्युज
  • प्रकाशित मिति : सोमवार, अशोज २०, २०७६


यतिबेला बलिउडमा महानयक अमिताभ बच्चन र चिरञ्जीवी अभिनित ‘सई रा नरसिंह रेड्डी’ र ऋतिक रोशन र टाइगर श्राफ अभिनीत ‘वार’ले बक्स अफिसमा तहल्का मच्चाइरहेका छन्।

दुवै फिल्म एक अर्काका लागि टक्करजस्तै भए पनि ‘वार’का लागि ‘सई रा नरसिंह रेड्डी’ भारी परेको छ।

दुवै फिल्मले दमदार ओपनिङ गरेका थिए। वारले तीन दिनमा ९९.७० करोड कमाउन सफल भएको थियो भने सोही समयमा सई रा नरसिंह रेड्डीले १०० करोड पार गर्दै आफूलाई अब्बल सावित गर्न सफल भएको छ।

मिडिया रिपोर्टर्सका अनुसार बक्स अफिसमा वारलाई सई रा नरसिंह रेड्डीले पछाडि पारेको छ। यो फिल्मको तीन दिनको कुल कमाइ १०७ करोड कमाएको छ। यो फिल्म अंग्रेजका विरुद्ध लडाइँको सुरुवात गर्ने योद्धा उय्यालावादा नरसिंह रेड्डीको जीवनीमा आधारित फिल्म हो।

यो फिल्ममा अमिताभ नरसिंहको गुरुको भूमिका देखिएका छन्। वारमा भने ऋतिक र टाइगरका अलावा वाणी कपुर, अनुप्रिया र दीपानीता शर्मा मुख्य भूमिकामा रहेका छन्।


हाम्रो बारेमा

हाम्रो टिम

सम्पर्क

    Subscribe

© copyright 2019 and all right reserved to Pathivara News | Site By : SobizTrend Technology