ओली–प्रचण्ड वार्ता : एकताका लागि ठोस एजेन्डा तय गर्ने सहमति

काठमाडौँ । एमाले र माओवादी केन्द्रबीच आईतबार पार्टी एकताका लागि ठोस एजेन्डा तय गर्ने सहमति भएको छ ।

एमाले अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहालबीच शनिवार भएको भेटवार्तामा आईतबार पार्टी एकता संयोजन समितिको बैठक बोलाई पार्टी एकताका लागि ठोस एजेन्डा तय गर्ने सहमति भएको हो ।

बालकोटस्थित ओली निवासमा भएको भेटवार्तामा दुवै दलका अध्यक्षले आईतबार अपरान्ह ३ बजे पार्टी एकता संयोजन समितिको बैठक बोलाई पार्टी एकताको ठोस एजेन्डालाई अनुमोदन गर्ने सहमति गरेका हुन् ।

भोली अपरान्ह ३ बजे बस्ने बैठकले पार्टी एकताको ठोस एजेन्डालाई अन्तिम रुप दिने गरी आवश्यक तयारी गरिएको माओवादी केन्द्रका अध्यक्ष दाहालले जानकारी दिए ।

ओली र दाहालबीच शुक्रबार पनि पार्टी एकताका विषयमा विस्तृत छलफल भएको थियो । छलफलमा दुई पार्टीको विचार र संगठन व्यवस्थापनका लागि कार्य दल बनाएर अघि बढने विषयमा पनि सहमति भएको बुझिएको छ । दुई दलले कार्य दल नै बनाएर राष्ट्रिय सभाको सिट बाँडफाँडमा पनि टुंगो लगाईसकेका छन् ।

शनिबार, माघ ६, २०७४ मा प्रकाशित

यसमा तपाइको मत

Loading...

अन्य समाचार