वद्धाश्रममा रहेकी आमालार्इ छोराको यस्तो सम्बोधन

आमा तिमी……
मेरो उत्तरोत्तर प्रगतिको
सुस्वास्थ्य र दिर्घायुको
कामना गरी रहन्थ्यौं अरे,
मैले तिमीलाई थन्क्याएको
वृद्धाश्रमबाट !!

काखमा तिम्रा लडीबुडी गरेका मेरा
बाल्यावस्थाका क्रीडा स्मरणहरू
बखान गरी रहन्थ्यौ अरे,
मैले तिमीलाई थन्क्याएको
वृद्धाश्रमबाट !

जसोतसो छाक टार्न तिमीले
निस्तो ढिंडो पानी सित निल्दा
गाँस मेरो सम्झी रहन्थ्यौ अरे,
मैले तिमीलाई थन्क्याएको
वृद्धाश्रमबाट !!

ठसक्क पर्दा म आशय बुझेर मेरो
मेरा सामु दुधको गिलाँस खुसुक्क
सारेर दिने गरेको सम्झी रहन्छ्यौ अरे,
मैले तिमीलाई थन्क्याएको
वृद्धाश्रमबाट !!

पौंठेजोरी खेलीरहँदा थाङ्नाहरूले
पुस-माघको सिरेटो सित तिम्रा
पच्छ्यौरीले मलाई जोगाएको
क्षण हरक्षण सम्झी रहन्थ्यौ अरे,
मैले तिमीलाई थन्क्याएको
वृद्धाश्रमबाट !!

भेट्न आउँथे बेलाबखत म तर
ममतारुपी अन्त:करणले सदैव
तिमी नियाली रहन्थ्यौ अरे,
मैले तिमीलाई थन्क्याएको
वृद्धाश्रमबाट !!

ईच्छा आकाँक्षाहरू सदैव मेरा
प्राथमिकतामा राखी तिमीले
आफ्ना चाहिँ बली चढाई रहन्थ्यौ अरे,
मैले तिमीलाई थन्क्याएको
वृद्धाश्रमबाट !!

शनिबार, अशोज १४, २०७४ मा प्रकाशित

यसमा तपाइको मत

Loading...

अन्य समाचार